Çfarë do t’i kisha veshur Olta Bokës në Festivalin e Këngës në RTSH

Le ta bëjmë të qartë që në fillim, çfardo të kishte veshur Olta, do shkëlqente. Jo sepse është mikesha ime dhe po i mbaj anën, por realisht veshja do kishte qenë në harmoni me këngë dhe personalitetin e saj pozitiv.

Fillimisht do i kisha veshur diçka klasike me pak detaj moderne, si xhaketa e gjatë pink. Në pjesën e kurrizit do t'i kisha dozenjuar një dekolte.

Do doja t'i vishja patjetër diçka të gjatë për dy arsye, e para mendoj se i shkojnë me tipologjinë e saj dhe e dyta është një prej trendeve të sezonit.

Meqë jemi tek trendet, kam parë çudira në këtë festivalin e sivjetshëm. Po të doja të shkruaja diçka për veshjet e tij, nuk do dija nga t'ia filloja. Se ku pash pantallona të shkurtra dhe çizme mbi gju. Diku tjetër kostum rozë pastel. Asnjëra nuk kanë gjë të keqe, ama janë kaq të vështira për t'i kombinuar, sa është më mirë t'i eleminosh.

Veshja e dytë që kam menduar është një fustan i gjatë ballosh, ky për natën finale.

Mendoj që me këtë fustan do dukej tamam si Hirushja duke hyrë në pallatin mbretëror. Me prerje të thjeshtë, ama shumë i detajuar. Punuar me dorë si dhe qëndisur me xhevahire.