Ai kostum jo me ato atlete, por me këto

Ka disa vite që thuhet se atletet kombinohen fare mirë edhe me kostume. Dhe t'iu them të drejtën, nuk e kanë keq. Por kam parë disa kombinime të çuditshme kohët e fundit të atleteve Balenciaga, sa nuk di nga t'ia filloj të shkruaj.

Gjëja e parë që duhe të dimë, është se atletet e palestrës janë të papërshtatshme për t'u kombinuar me kostum. Kostum them për xhaketën klasike dhe pantallonat cigare, sepse në shqip ne i themi kostum edhe setit të palestrës.

Nuk është e thënë që pantallonat të jenë deri tek kavilja për t'u veshur me atlete. Atletet New Balance kombinohen thuajse me çdo lloj pantalloni. Edhe kapelet e bejsbollit kombinohen me kostum.

Për t'u dukur më e gjatë, zgjidh atlete me nuanca neutrale, si dhe në të njëjtën ngjyrë me kostumin. Gjithçka në dizajn është lojë balancash. Nëse në veshjen tënde ke kontraste të mëdha, pra të kuqe me të zezë, jeshile me blu, të kuqe me magenta etj. ke bërë prerje horizontale (vizualisht). Prerjet horizontale shkurtojnë siluetën.

Nëse do t'i veshësh atletet me kostumin e preferuar, të paktën investo në një palë atlete të mira. Jo Balengiaga, apo Baleniaga prodhuar në Kinë. Bliji më mirë të përdorura, por New Balance, Nike, Adidas etj. Madje as ato Balenciaga mos i vish më. Janë parë e stërparë dhe t'iu them të drejtën nuk kanë ndonjë sqimë të veçantë.

Pak e saktë, më mirë të kesh dy palë atlete All Stars ose Vans, se sa 50 palë blerë tek Ali Express.