13 fustane për 13 vipa (dhe jo vetëm)

Dizajnerët këtë sezon janë rikthyer tamam në punë, thotë mami im. Koleksionet e këtij sezoni, të bëjnë të fantazosh për verën, cocktails buzë deti, festat e bardha me feta shalqiri, piña colada nën tendën e diellit dhe aromën e freskët të bregdetit mesdhetar.

Ja ku po iu them se unë do kisha veshur secilin prej këtyre fustaneve vetë, por edhe mikeshat e mia po ashtu. Me këte fustanin e bardhë imagjinoj Amin, ose një zonjë apo zonjushë me të njëjtat tipare.

Përshembull, e di që sapo ta shohë Iva Tiço këtë fustanin me pika, do më thotë "Po ç'më ngre mendjen mi" (haha).

Këtë fustanin do t'ia rekomandoja një vajze të gjatë e me trup në formë dardhe. Për mbrëmjet e verës me një cocktail përpara, ose ceremoni nëpër vende të hapura me dru.

Kur ta shohë Olta Boka këtë sugjerim, jam e sigurt që do më thotë se mezi pret ta veshë. Është i duhuri për vajzat me formë orë rërë.

Ky duhet të vishet me të sheshta, sepse është edhe i shkurtër, edhe pa mëngë. Me ose pa aksesorë duket mjaft i realizuar, sepse vetë punimi me lulet 3d plotëson look-un.

Nuk e di pse me këtë fustan do doja të shihja Elvana Gjatën, ose një me tiparet e Elvanës. Përshembull Jonida Vokshin ose Efin. Sa lozonjar dhe i gëzueshëm është, apo jo?

Rosie Assoulin, (stilistja e këij fustani), këtë pranverë/verë iu thash, ka shkuar vërtetë në punë.

Me këtë imagjinoj Olta Gixharin, fiks në një mbrëmje buzë deti, diku në një ishull Grek.

Për mbrëmjet e verës, kur feston ditëlindjen e parë të bebushit/es, edhe pse mund të bëhet me çokollatë, coco puffs, gjalpë kikiriku dhe tek-tuk coca-cola, prapë se prapë ia vlen barra qeranë.

Carolina Herrera për të ftuarit në dasmën e Luizit dhe Kiarës. Ose ose, për ata që thjesht duan ta veshin në shtëpi, sepse thjesht duan. (Si puna ime).

Imagjinoj Agnesa Vuthajn me këtë fustanin e gjatë me lidhje në qafë. Do ta përfaqësonte denjësisht.

A nuk duket si Anxhelina Kotorri kjo vajza? Atë mendova direkt sa e pash. Ajo, jam e sigurt, që do ta kombinonte me një palë këpucë krejt të paparashikueshme, por që në fund veshja do dukej kaq në harmoni.

Një fustan i tillë sjell një fllad nga deti sa herë që kalon pranë dikujt. Mendoj që Kiara Titos do t'i rrinte shumë mirë. Ose kujtdo me të njëjtin trup.

Valentino për Julkën, sepse thjesht si Julkës, nuk i shkon askujt e kuqja.