Dy fjalë për ata që nuk pëlqyen kostumin oversize të Arbanës

Arbana Osmani në këtë edicion të Big Brother Vip 2, ka provuar disa dizajne ndryshe. Ky fakt nuk i ka pëlqyer shumicës së ndjekësve, të cilët nuk i kanë kursyer komentet. Kam biseduar pak me disa prej tyre, për t'i pyetur për arsyet pse nuk bien dakort me zgjedhjet e Arbanës. Si dhe për background-in që kanë, pra çfarë profesioni kanë, që dinë kaq mirë të bëjnë diferencën mes veshjes së keqe dhe asaj të mirë.

Një prej profesorëve të mi të arteve thotë, që njerëzit të cilët kanë pak ose aspak njohuri mbi artet (pikturë, skulpturë, veshje, muzikë etj.), janë të parët që gjejnë gjithnjë kleçka kudo.

Tani, ajo që nuk dimë është se kostumet oversize janë must këtë sezon. Në fakt kanë disa sezone, që dalin "sold out" në çdo dyqan. Duke qenë që Arbana është personazh publik, i duhet të vishet nga trendet e fundit. Përveçse vishen nga persona me influencë, preferohen edhe nga mamat, që duan të kenë në gardërobë 10 kostume të tilla. Janë kaq të rehatshme!

Vajzat e modës na kanë sugjeruar se mund të vishesh me kostum oversize çdo ditë të javës edhe për çdo event.

Madje aktorja Tessa Thompson, thotë për Vogue se kostumet oversize me lule, janë ideale për t'iu fshehur ndokujt që nuk do t'i flasësh.

https://youtu.be/Kdj6yqjvsB8

Kostumet oversize mund të vishen nga kushdo, mjafton të ruhen proporcionet e trupit, si dhe balancat, pra detaje në xhaketë dhe në asksesorë. Rregulli i artë është "less is more".

Në përditshmërinë tonë, e kam fjalën për ne njerezit e thjeshtë, bëjmë një mal me gabime në stilim, zgjedhje copash, prerje asimetrike (i thënçin), por vetes ia falim këto gabime. Ama veshjen e dikujt tjetër e shohim me mikroskop. Jo se nuk duhet parë ashtu, por e mira është që ndonjëherë, ta kthejmë mikroskopin nga vetja.

T'iu them të drejtën, do kisha preferuar të shihja një spikere me kostum oversize, se sa me fustan mini-size! Apo ndonjë që ekspozon në televizion kombëtar rreth 95% të trupit. Dhe ju e dini për kë e kam fjalën.

Le të vishemi sipas tipareve tona natyrale, sipas formave, duke vënë në pah bukurinë trupore, por sidomos atë të brendshme.

*Për stilime private, ju lutem kontaktoni në inboxin e website, ose në e-mailin: contact@stelasallaku.com