Tea është e veshura më bukur e këtij Big Brother-i. Ja përse

Të gjithë ju, që jeni tani këtu duke lexuar artikullin, keni ardhur nga kurioziteti se ku ishte veshur Tea më bukur. Ose, siç e thashë më parë, pse është pikërisht ajo e veshura më mirë. Me siguri ju menduat që do ta kritikoja për dekoltenë e ekzagjeruar, ose për gjithë ato rastet ku është zhveshur si kërcimtare burlesque. Por jo! Ja që ajo është e veshura më mirë dhe ja pse.

Dita Von Teese do t'ia kishte shumë zili Teas dhe shumë të tjera si ajo. Dita është një zonjë nga Michigan, e cila ka bërë famë për kërcimet e saj pa rroba në gotën gjigande me shampanjë luksoze.

Tea është një vajzë me tipare shumë të bukura e dominante. Ka vendosur që veshjet të jenë pak më të ekzagjeruara se sa zakonisht, por ky nuk është fundi i botës. Ja përshembull, fustani më lart me formën zemër të bustit, ka dorashka vazhdim të mëngëve. Është i shkurtër, por brenda normave. Po ta vishte një modele të njëtin fustan, do t'i rrinte tërësisht ndryshe nga Tea. Madje, ne të dizajnit, do duhej t'i vinim mbushje tek pjesa e bustit, që të dukej mirë. Tea nuk ka nevojë për modifikime, sepse i përshtatet shumë mirë me trupin.

Management Study Guide shkruan : "Clothes reflect who you are, how you feel at the moment and sometimes even what you want to achieve in life." (Veshjet reflektojnë cili jeni, si ndjeheni në atë moment dhe çfarë doni të arrini në jetë).

Dikush që me veshjen e tij/saj di t'i japë shumë mirë përgjigje këtyre pyetjeve më lart, pra vishet siç e ndjen, vishet për atë që përfaqëson dhe vishet për atë që do të arrijë, për mua është i veshuri më mirë i të gjitha kohërave.