5 gjërat që na mësoi stili i veçantë i Tina Turner

Pak ditë më parë, u nda nga jeta një prej yjeve të botës së muzikës, e cila ka dy yje në bulevardin e famës në California. Tina Turnerin e mbaj mend, që kur kam qenë fëmijë. "Proud Mary", "The best" "We don't need another hero", "What's love got to do with it" etj., janë këngë që nuk do t'i harrojmë anjëherë. Përveç muzikës dhe interpretimit krejt original, nuk do t'i harrojmë as stilin novator për kohën. Bëhet fjalë për kombinimin e xhinseve të grisura me kanotieren e bardhë, të cilat u bënë të preferuarat e viteve '80.

Me buzëkuqin e kuq, flokët punk, rripin e lëkurës, xhinset e zbardhura, kanotieren dhe xhupin e lëkurës, ajo performoi në skenat më të mëdha të botës. Të njëjtin stil ia huazojmë shpesh dhe sot, por jo vetëm këtë. Fustani i saj ikonë "Flame dress", u vesh nga Cher dhe më vonë nga Beyonce.

Asokohe materiali xhins, nuk ishte veshje për performanca skenike. Konsiderohej ende si material i lirë punëtorësh. Megjithatë Tina e solli në një mënyrë krejt novatore, aq sa harmonizoi thjeshtësinë e materialit, me fustanet lëkurë dhe geta rrjetë.

Tina na mësoi se fustanet me rripa nuk janë vetëm për mbrëmje vallëzimi, por të kombinuara me të sheshta, ato vishen edhe në përditshmëri.

Stili krejtësisht i veçantë i kënëtares më energjike të botës, ishte më i thjeshtë nga sa mendohej. Ajo preferoi ta mbushte skenën me zërin edhe performancën e saj. Veshjen e la në plan të dytë, por jo pa qëllim dhe jo gjithmonë. Na mësoi se edhe me xhinse dhe kanotiere të bardhë, mund të shkëlqesh kudo.