Ja veshjet që përzgjodha këtë javë nga Macy’s

Macys sëfundmi ka mirëpritur në butik firma të reja veshjesh. Dizajner të rinj do të thotë krijime novatore, më afër trendeve të reja dhe larg nga Tommy Hilfiger.

Veshjet më poshtë i kam fotografuar vetë në dyqan, por nëse interesoheni për links më shkruani.

Kjo truporja me një krah më pëlqeu shumë. Kombinohet lehtë me pantallona lino të bardha.

Ky fustani ishte në disa ngjyra, por mua më pëlqeu ky version. Është kaq i freskët dhe lehtësisht i kombinueshëm e çdo lloj këpuce dhe kapele.

Meqë po përgatitemi për sezonin e vjeshtës, fundi xhins i gjatë vazhdon të jetë kryefjalë. Kombinohet me sandale dhe t-shirt, por edhe me çizme e xhaketë lëkurë.

Me këtë ngjyrë kishte një koleksion të tërë, krijuar me copa pambuku.

Kam përzgjedhur veshje me nuanca bazike, të cilat harmonizohen me çdo lloj lëkure, unë do preferoja fustanin e vija dhe truporen portokalli. Janë të rehatshme dhe nuk duan të mendohesh shumë për t'i kombinuar.