Të gjitha fundet trendi të sezonit si dhe ku t’i blesh

Këtë sezon kryefjala janë fundet midi, ose deri tek pulpa. Minifundi duket i largët në kategorizimin e trendeve të pranverë/verë 23. Por, do t'i rikthehemi për pak fare fundit të shkurtër në sezonin e dimrit, i kombinuar vetëm me xhaketë të gjatë.

Siç folëm për pantallonat cardgo, të cilat pushtuan dyqanet disa muaj më parë, tani flasim për fundet cargo. Bukur ose jo, vajzat e modës i kanë kombinuar në mënyrat e tyre.

Disa me çizme e disa me stiletto, disa me sandale e të tjera me shapka. Po ju them një sekret, të njëjtin dizajn e gjeni edhe në Walmart për vetëm 12 dollarë.

Edhe në plazh këtë sezon do shkosh me fund treçereksh. Madje mund ta kombinosh kështu me një crop-top a me një këmishë.

Një opsion tjetër i fundit cargo.

Për të pasuruar gardërobën kapsulë, një fund xhins i bardhë nuk është kurrë ide e keqe.

Ose ngjyra të ndezura të kombinuara me sandale gladiatori.

Prerja e belit nuk është më në perimetrin më të vogël të bustit. Frymëzuar nga koleksioni i vjetshëm i Miu Miu, qemeri i fundeve zbret më poshtë, duke lënë pak të zbuluar kërthizën.

Versioni saten ose mëndafsh është një blerje e zgjuar, pasi sezonin tjetër do kemi kthimin e fustanit mëndafsh me rripa. Dhe unë tani u bëra si Meri Shehu e modës.

Fundi "A" është opsioni i sugjeruar për zyra ose mbledhje.