Këshilla stili nga Vera Ora

Zonja Vera Ora, është mami i një prej vajzave më të talentuara e që na bën krenarë çdo ditë, Ritës. Mirëpo, Vera ka një stil të vetin shumë interesant e të pa huazuar nga askush. Pëlqen ngjyrat "bold", dizajnet me kuti, si dhe fustanet paksa oversize.

I hedhim një sy disa prej veshjeve sëfundmi.

Dizajni gingham, ose me kuti te vogla, është një zgjedhje e guximshme për evente të rëndësishme sepse ka dy gjëra për t'u mbajtur parasysh. Fillimisht ka tendencën të duket më casual se sa duhet, por kur balancohet me një prerje klasike, duket shumë avant-garde. Para disa vitesh, dizajnerët New Yorkez, krijuan koleksione me gingham. E dyta, që duhet të kemi parasysh kur zgjedhim kuadrate, është të mos jenë shumë të vogla në përmasë sepse nuk lexohen mirë në kamera.

Unë këtë veshje e ruajta menjëherë sapo e pash. Kam një kostum të verdhë të tillë në gardërobë, e më pëlqeu tej mase kombinimi me atlete.

Nëse do vërtetë të shquash stilin e dikujt, shihe si vishet në punë (ose diku ku është angazhuar me punë konstante). Shumë prej nesh i ruajmë veshjet e mira për raste ose fundjava. Por sa mirë ndjehemi kur edhe në vendin e punës jemi me po aq stil sa me pushime?

Verës i shkojnë edhe printet e guximshme si ky. Ndersa zonjat që shohim dita ditës preferojnë diçka më bazike, Vera nuk ka frikë të kalojë në nivelin tjetër.

Edhe zgjedhja e çantave më duket e goditur. Zakonisht i shohim gratë me ato çantat, që ç'nuk zenë brenda. Në fund të fundit, çanta është aksesor, nuk ka pse duket si bagazhi i makinës.

Edhe sandalet i zgjedh me shije. Nuk i ka aspak të mërzitshme në prerje, madje as nuk i kombinon qëllimisht me çantën. Por në tërësi veshja është në harmoni.

Vera më frymëzoi sot dhe po e ndjek pikërisht për këtë arsye. Që nga kostumet me ngjyra të theksuara, e deri tek përshtatja e dizenjove casual për tapete të kuq.