Që të mos dukesh si vazo gjigante që ecën, ja se si duhet t’i kombinosh lulet spila

Rapprti i dashurisë mes grave dhe luleve nëpër veshje, është i lashtë sa vetë neta. Lulet kanë luajtur një rol të rëndësishëm në botën e modës përgjatë viteve. Ato janë pjesë e nënës natyrë, te cilat simbolizojnë bukurinë dhe delikatesën. Kanë tendencën gjithashtu të sjellin buzëqeshje në fytyrat e njerëzve, epo përveç disa rasteve speciale ku sjellin teshtima (alergjitë).

Por lulet për të cilat dua t'iu flas sot, janë të parrezikshme. Mund të përdoren si spila nëpër xhaketa, varëse, byrzylykë etj. Mjafton të kesh fantazi dhe ua gjen vendin më së miri. Tani, ka edhe nga ato zonja, që thjesht e venë diku në jakë dhe mbaroi puna. Që të mos dukesh si lule gjigante që ecën, ja se si duhet t'i kombinosh lulet spila

Meqë i kemi parë sëfundmi nëpër sfilata, shumë prej nesh janë përpjekur ta huazojnë si trend. Por jo gjithmonë ia dalim të zgjedhim të duhurën. Të gjesh lulen më të madhe të dyqanit dhe ta vendosësh në jakë, nuk është se ke bërë ndonjë krijim të hatashëm. Ka shumë raste ku ajo lulja spilë vret sytë, siç dhe edhe raste kur zbukuron veshjen. Po cilat kanavaca lulesh bëjnë për veshjet e përditshme?

Zgjidh gjithnjë cilësinë, lulet që duken sikur i ke psonisur tek tregu, nuk kanë asnjë elegancë.

Komshia ime meksikane është e dashuruar me lule. Ka lule në saksi të mbjella jashtë dhe brenda shtëpisë, ndonjëherë keput ndonjë gonxhe dhe e mban ne flokë. Nëse ke mundësi të gjesh lule natyrale dhe t'i zëvendësosh me artificiale, aq më mirë.

Janë interesante edhe si varëse choker, por nëse ke qafë të shkurtër zgjidh më mirë ta mbash si byrzylyk.

Nuk do të thotë, që nëse zgjedh lule të mëdha, je fashionist/e. Do të thotë thjeshtë, që ke guxim. Dhe shpesh madje do të thotë edhe që nuk ke pasqyrë në shtëpi.

Zgjidh më mirë dy lule të vogla se sa një të madhe, sepse në përditshmëri duhet të jesh oshient/e, që minimalizmi fiton pikë.

Nëse ke gjetur kostumin më të mirë të mundshëm, gjej dhe lulen më cilësore të mundshme. Lulet plastike nuk bëjnë, opsioni më i mirë janë lulet natyrale ose ato të punuara nëpër atelier.