Veshjet më të bukura të Meghan Markle deri më sot janë këto

Unë jam e bindur se Meghan është veshur më bukur gjatë fejesës dhe pas martese, se sa tani. Dhe kur them më bukur, nuk e kam fjalën për trendin e ri ose për dizajnin më novator të mundshëm. Më bukur sepse ka zgjedhur fiks gjëra minimaliste, por në tërësi duket e kuruar dhe elegante. Epo mirë, tani është nënë me dy fëmijë. Unë kam një dhe stili më novator që vesh, janë bizhamet me elefantë (haha).

Para disa ditësh organizuam një pyetësor online, tek i cili ju të gjithë duartrokitët veshjen e Meghan dhe jo të Kate.

Nisur nga ky fakt, po marr shkas për të bërë një përmbledhje me veshjet më të bukura të Meghan Markle.

Fustan i zi minimalist, por detaji i rripit shton vlerë. Ishte koha kur Meghan mbante stiletto me takë 10-12 cm.

Këtu është pas lindjeve, ka shtuar pak peshë por i shkon. Ka vënë në pah këmbët e bukura.

Mbaj mend që kur doli Meghan me këtë fustanin, ky dizajn u shit gjithandej, si dhe u replikua e modifikua disa herë. Ende është në modë.

Duket shumë këndshëm një zonjë që mban kapele koordinuese me fustanin. Asaj i shkon ky tonalitet i jeshiles smerald, e vetmja gjë që nuk shkon janë getat.

Këtu janë duke dalë nga një restorant italian, nuk kanë qenë në event gala. Jumpsuit-i bardhezi është shumë i bukur si dhe pjesë e gardërobës kapsulë (e vesh në çdo rast).

Thjesht dhe bukur.

Ky fustani duket shumë luksoz dhe qepjet e ndërtimi në tërësi janë për t'u nënvizuar.

Epo, mendoj se të gjitha duhet ta kemi një fustan/pallto të tillë në gardërobë.