Në ditën e parë të shkollës, fëmijët vishi kështu

Dita e parë e shkollës, në kohën time, ka qenë ngjarje që mezi e prisnim. Sidomos veshjen e ditës së parë. Me qejf të madh dilnim një javë para fillimit të shkollës, për të blerë veshjen më interesante të dyqaneve.

Po sot? Çfarë mund t’i vishni fëmijëve, që të mos duken si gra e burra të rritur para kohe, por as si të nënvlerësuar?

Nuk ka formulë të caktuar, që llogarit çfarë bën e çfarë nuk bën për fëmijën tuaj. Por mendoj që ka disa gjëra për t’u mbajtur mend.

1- Zgjidh materialet më të mira që mund të përballosh

Kur vjen puna tek fëmija, se ne të rriturit e mbyllim një sy ndonjëherë, mos bëj kompromis me materialin. Zgjidh pambuk të çertifikuar Oko-Tex, të standartit më të lartë. Ose xhins të mirë, lesh të butë etj.

2- Në plan të dytë është moda

Trendi i këtij sezoni (nëse të intereson sado pak ta veshësh fëmijën sipas trendit), synon tek ngjyrat e tokës si jeshile ulliri, camel, fildish dhe tek-tuk ndonjë mustardë e vishnje.

3- Kujdes tregojini qepjeve

Ky është një ‘gabim’, që e kam bërë shpesh edhe unë. Edhe pse jam marrë për 9 vite me modë dhe qepje, kur blej për tim bir, shoh materialin dhe ngjyrat, por nga nxitimi harroj të shoh qepjet. Dhe kur ia vesh, shoh që i del ndonjë cep i paqepur mirë. Nuk është fundi i botës, por më duhet t’ia rregulloj pastaj.

4- Thuaji ‘jo’ veshjeve të ballos

Nuk di ndryshe si t’i përshkruaj fustanet me tutu për vajzat e vogla deri në 6-7 vjeç, të cilat i veshin shpesh me funde tyli dhe geta. Për t’u dukur bukur, vishi sipas moshës që kanë. Një fustan pambuku, doku, saten ose nëse do të jesh ekstra, vishi mëndafsh. Por jo materiale sintetike me modele të para e stër para. Më poshtë ke ide, që mund të të frymëzojnë në blerjet e rradhës.