Lamtumirë Mbretëresha Elizabeth II! Ja disa nga veshjet e saj më të mira ndër vite

Mjekët e Pallatit Buckingham e kishin vendosur mbretëreshën 96 vjeçare, nën mbikëqyrjen mjekësore në Kalanë Balmoral. Ajo ndërroi jetë sot, duke u bërë kështu monarkja më jetëgjatë në fron. Djali i saj Charles u bë mbreti i ri i Britanisë.

Nuk i thamë lamtumirë vetëm mbretëreshës, por edhe stilit të saj shumëngjyrësh, me kapele e dorashka të përshtatura për të. Ose "custom made", siç thuhet vërdallë.

Le ti hedhim një sy disa prej veshjeve të saj ndër vite si dhe stilit krejt të veçantë të një prej 97-vjeçareve më cool!

Thuhet se ngjyra e saj e preferuar ka qenë e verdha. Duke qenë se ka pasur tipare brune me lëkurë të bardhë e nëntone të ngrohta. Kontrast interesant bënin edhe shallet e kokës në fundjavë, të cilat i kombinonte me pardesy ose triko të leshta. Mënyra e lidhjes ka qenë gjithnjë me fjongo mesatare, në pjesën e mjekrës.

Roza dhe lejlaja janë dy ngjyra, që i harmonizoheshin mirë me tiparet e kafta. Por edhe bojëqielli ia vinte në pah flokët dhe sytë. Nuk besoj që ka lënë ngjyrë pa provuar, megjithatë disa edhe mund t'i kishte eleminuar.

Lamtumirë e prehu në paqe Mbretëresha Elizabeth II. Do na mungojë stili yt plot ngjyra vibrante dhe kapele novatore.