Këtë 28-29 Nëntor, vishu siç do vishej Cindy Crawford

Festat e nëntorit! Për ne shqiptarët shpesh herë festohen më shumë edhe se Krishtlindja. Në 90% të rasteve vishemi kuqezi, edhe pse shumica na thotë vish diçka tjetër. Këtë 28-29 Nëntor, vishu siç do vishej Cindy Crawford po ta festonte 28-29 Nëntorin.

Sipas meje, Cindy është një nga modelet më me stil të Hollywood. Na fal Kaia, por është. Çfarë mund t'i kopjosh Cindy-t? Këto:

1. Fustan i kuq velvet

Mund ta veshësh për Krishtlindje gjithashtu, me një gur ke vrarë dy zogj.

2- Fustan i zi me dorashka

Dorashkat këtë sezon janë 'must'. Po qe se nuk je tipi i të veshurit si Mbretëresha e Anglisë, kombinoji me një fustan laps, geta dhe stiletto.

3- Xhaketë e kuqe dhe geta të zeza

Epo mirë, ky kombinim kuqezi bën përjashtim.

4- Lëkurë mbi golf

Nëse nuk do festosh në restorant, ky version është shumë i përshtatshëm për koncerte, pub-e, cocktails etj.

5- Fustan i leshtë me rrip

Ky në foto është nga Donna Karan New York diku nga vitet '90. Unë do e vishja prapë sot, me të njëjtat detaje. Ndoshta jo me rripin me zinxhirë.

6- Kostum me fund

Tek ky lloj kostumi, besoj e gjejmë veten të gjitha ne. Me geta të zeza ka efektin "slimming" ose hollues/dobësues. Edhe pa geta duket me stil.