Kam 11 sugjerime veshjesh për Alketa Vejsiun

Alketa Vejsiu ka trup të rregullt, me këmbë të drejta, supe të strukturuara dhe tipare të ëmbla. Gjithnjë e mbaj mend bjonde, me balluke/pa balluke, me fije/pa fije, me onde/pa onde. Sipas meje balluket franceze i rrinë më mirë me tiparet.

Gjatë fundjavës e shoh me hoodie (bluzë me kapuç) dhe tuta. E kam parë dhe disa herë të stiluar si siçiljane, me shami dhe fustan me pika. I pëlqejnë fustanet e shkurtra, ngjyra rozë pastel dhe e bardha.

Sot dua ta stiloj virtualisht, kështu nga milje larg, duke provuar disa kombinime krejt ndryshe.

Do doja ta shihja të veshur me trendin e ri, xhaketë e integruar me dorashka, rrip beli dhe pantallona me pala ose cargo. Taka dhe çantë me lëkurë vegan të kaftë (imitim krokodili). Mendoj se do dukej me stil si dhe ‘edgy’.

Kostumi mashkullor alla Ralph Lauren, mendoj se do t’i rrinte për mrekulli. Mjafton t’iu kujtoj Blake Lively tek filmi “A Simple Favor” dhe i kam thënë të gjitha.

Pak njerëzve iu shkon lëkurë nga koka tek këmbët. Alketës do t’i shkonte shumë me tiparet kjo prerje dopiopet dhe pantallonat cigare.

Dua ta kthej pak në kohë dhe ta vesh pikërisht me një dizajn të Pradës pranverë-verë 1992. Kombinimi i jumpsuit-it bust, me shallin në të njëjtën copë, i nxjerr në pah supet e bukura.

Pak Chanel i koleksionit të fundit për eventet e modës.

Përplasje printesh për fundjavat me diell.

Ensemble-n e zi me qëndisje anësore, nga më e mira dizajnere e Haute Couture,

Elsa Schiaparelli, do të doja t’ia vishja Alketës për mbrëmjet gala.

I rrinë më së miri fustanet e gjatë me detaje në dekolte, ndaj do doja t’i provoja blunë cerulean ose turquoise.

Kostumet me jelek, pantallona dhe këmishë do t’ia vishja nëpër takime pune.

Pak Ulyana Sergenko për verë me mikeshat.

Në disa evente e mode, do doja ta shihja me kostum oversize, kombinuar me këmisha me motive gjeometrike (ose printe kafshësh).