Ja si i humba kg e shtatëzanisë në 4 muaj

Nga 67 kg në muajin e 9 të shtatëzanisë, kalova në 56kg, që në muajin e katërt pasi linda. Të jem e sinqertë, që sa lindja djalin humba thuajse 5 kg. Djali vetë lindi 3.1 kg, plus ujërat dhe placenta. Por gjithsesi ngeli, jo pak masë trupore për t'u elemiuar. Krahët më ngelën të shëndetshëm, këmbët, barku, pak tek pjesa e ijeve. Brezi i llastikut, që mbajta direkt pas shtatëzanisë më ndihmoi, por jo aq shumë.

Në muajin e 3-të pas shtatëzanisë fillova stërvitjen. Nuk bëra dietë drastike sepse isha duke e ushqyer tim bir me gji. Por cardio, ushtrime për krahët, këmbët, barkun etj. Gjithësej fillova me 3-4 herë në javë, të cilën e përshkallëzova deri në 5 herë. Nuk pash ndonjë rënie në peshë, por fillova të shoh pak tonifikim.

Në peshë rash muajin që kaloi, sepse fillova "intermediate fasting" (hoqa dorë nga 1 vakt). Fillova të mos konsumoj shumë karbohidrate, sidomos në darkë. Nga 5 vakte të vogla që kisha zakon të konsumoja, hoqa njërin. Zakonisht hiqja mëngjesin ose darkën. Në mëngjes pija një kafe me qumësht, pa sheqer (ose përpiqesha të paktën). Nuk pash rezultat të menjëhershëm, por gradual. Tre javë pas dietës pa karbohidrate pash ndryshime. Barku me rrinte i sheshtë pa përdorur muskujt për ta tërhequr.

Nuk qe e lehtë, le ta themi që tani. Dieta ime normalisht është mesdhetare, kështu që unë lë kokën për makarkona dhe pizza. Dhe briosh. Dhe byrek. Dhe kapuçino. Dhe amareta. Por duke pare progresin tim, mora zemër. Bëja foto çdo ditë, që të shihja rezultatin e heqjes dorë nga mëkatet e ëmbla. Nuk them që i kam qëndruar strikte dietës. Ja përshembull, dje konsumova briosh dhe pasta. Ndonjëherë jam e mendimit, që plumbi del me plumb, dhe kilogramët largohen me kilogramë. (Apo po gënjej veten?)

Mbi të gjitha më dobëson edhe stresi dhe ngarkesa e ditës. Levizja sa andej këndej, ecja si dhe meditimi.

Ushtrimet që bëra për 8 javë me planin e dobësimit të Aulona Mustës, më disiplinuan të punoj çdo ditë nga pak. Tani mezi pres të ushtrohem, jo për t'u dobësuar domosdoshmërisht, por për t'u ndjerë mirë me veten, me trupin dhe me energjinë.

Dieta e plotë:

6-6:30 : zgjimi

7:00 : Një gotë ujë, kafe

12:00 : Sallatë/ pulë/ fileto viçi (E alternuar sipas ditëve)

13:00 : Kafe

15:00 : Arra/bajame/lajthi/cashew

16:00 : Një kuadrat çokollatë e zezë

19:00 : Darka (kos/supë/sallatë)

2-3 litër ujë në ditë.

Suplemente:

Multivitamia Olly, colagjen vegan, vitamina Olly për flokët. Zink, D3, Omega 3,6,9 dhe C sipas sezonit.