A e di vërtetë cilës formë trupi i përket? Ja një udhëzues si të vishesh bazuar në format e tua

Katër janë format e trupit më kryesore, dardhë, mollë, orë rëre dhe “I” (ose banane). Shumica e mikeshave që kam punuar me to, e dinin të sigurt që i përkisnin formës orë rëre (ose 8). Epo, pa u matur, nuk ke nga ta dish. Merr një metër dhe cakto perimetrin e supeve, belit dhe vitheve. Rezultatet krahasoji me të dhënat më poshtë.

1- Dardhë

- Supe të ngushta

- Gjoks pak më i gjerë se supet

- Vithe të theksuara

Që të balancosh figurën, të duhen veshje me supe të theksuara e bel të konturuar. Eleminoji xhinset e ngushta dhe t-shirt apo këmisha mbas trupi. Evi Reçi i përket kësaj forme trupi.

2- Mollë

- Supe të theksuara

- Bel i gjerë

- Vithe të ngushta

- Këmbë të holla

Shumica e zonjave kanë këtë formë trupi, ndaj duhen veshje, që të konturojnë disi belin. Edhe pse modelja është elegante, forma e trupit të saj anon tek molla. Vini re detajet tek supet, të cilat e bëjnë belin të duket më elegant. Zonja Eni Çobani bën pjesë në këtë kategori.

3- Orë rëre

- Supe të konturuara

- Bel i hollë

- Vithe të theksuara

Të gjithë duam të jemi orë rëre, që pas J.Lo e familjes Kardashian-Jenner. Zonjat dhe zonjushat, që i përkasin kësaj forme trupi mund të veshin çdo lloj dizajni.

4- “I” (ose katrore)

- Supe-bel-vithe pak a shumë janë në të njëjtat përmasa.

Shumica e modeleve i përkasin kësaj forme trupi.

Edhe kjo kategori zonjash e zonjushash, mund të eksperimentojë me prerjet. Nëse bëhet fjalë për masat mbi Large, atëherë është e nevojshme të theksohet beli dhe zgjatet silueta. Zgjatjet e figurës bëhen me vijat vertikale, prerje ”V”, etj. Psh. Arbana Osmani dhe Alketa Vejsiu duket që i përkasin kësaj forme trupi.