12 sugjerime veshjesh për Rudina Magjistarin

Rudina Magjistari ka flokë bjond, sy në lajthi, si dhe i përket formës dardhë të trupit. Pak ditë më parë kemi dhënë detaje për 4 tipet e ndryshme të trupit. Artikulli është ky :

Me sugjerimin e disa lexueseve të blogut, sot dua t’i jap Rudinës disa sugjerime për veshjet e emisioneve ose për përditshmërinë.

Duke qenë formë dardhe, me supe dhe gjoks thuajse në të njëjtën përmasë dhe vithe të theksuara, e mira është të shmangen xhaketat e ngushta dhe të shkurtra. Vendin e tyre duhet ta zënë ato oversize me supe ”statement”.

Detajet tek supet janë të mirëpritura për format dardhë, beli duhet konturuar (sipas njërës prej mënyrave të dizajnit), si dhe të eleminohen detajet në pjesën e legenit. Kjo veshje është ë këshillueshme për përditshmëri ose ekran.

Kjo palete ngjyrash do t‘i shkonte shumë për përditshmëri. Përzierja e printeve në pjesën e sipërme të veshjes, largon vëmendjen nga zona e legenit.

Pallto oversize dhe çizme të bardha, janë sugjerimi im për paraditet e ftohta të dimrit. Pranohet edhe për mbrëmje (darka ose aperitivo).

Për mbrëmje dhe për evente mode. Çizmet i kam zgjedhur pak “slouchy”, ose pak oversize, për atë mbuluar çdo pjesë që mund të ketë nevojë për t’u fshehur.

Kostum me kuadrate shumë të imëta për mbledhje zyre ose emision.

Këtë fustanin e leshtë mund ta kombinojë me çdo lloj xhakete ose palltoje. Është ideal për paradite ose mbrëmje.

Bluzën me vija do t’ia rekomandoja për fundjavat me vajzën, në vend të pantallonave të bardha do t’i sugjeroja blunë klasike Levi’s 501.

Rudinës i shkojnë shumë veshjet e kuqe. Ky është sugjerimi im për eventet e modës.

Kombinimi mes palltos me print kafshësh dhe çizmeve jeshile, është i duhuri për zonjat me shije klasike, por që ju pëlqen të integrojnë një detaj të modës.

Këtë kombinimin do t’ia sugjeroja për takimet me mikeshat, por në vend të këpucëve të sheshta, do t’i rekomandoja stiletto.

Pak Alexaner McQueen për paraditet në zyrë.

Kostumin e kuq për emision, veçse xhaketën do të doja ta zgjidhte dy masa më të mëdha, për arsyen më lart.