Si do ta stiloja unë Grida Dumën për 7 ditët e javës

Updated: Mar 5


Grida Duma ka trupin tipik të një zonje mesdhetare, orë rëre me forma të rregullta. I ka mbajtur gjithnjë flokët brune të errëta, me përjashtim të ndonjë rasti fijesh tek-tuk. Ka disa kohë që ka ndryshuar prerje flokësh dhe t’ju them të drejtën më pëlqen shumë. Sidomos në një nga fotot e fundit, ku i kishte harkuar lart, duke dhënë idenë e modelit të flokëve si Kris Jenner. Madje, do t’i sugjeroja të provonte t’i mbante të shkurtra për disa kohë.




Tek fjalimet e mbajtura për studentët, më ka pëlqyer thjeshtësia dhe komoditeti me të cilin shprehet. Dhe mendoj se i duhet një gardërobë, që gjithashtu të jetë ‘easy’ dhe minimaliste. Siç tha dhe në një nga videot e fundit, që xhaketat duhet të jenë të lirshme për të mos penguar frymëmarrjen dhe lirshmërinë kur flet me dikë. Të tilla ia kam menduar dhe veshjet që do t’i sugjeroj sot.