Si do ta ndërtoja unë gardërobën kapsulë për secilën prej jush


Nuk e di kush ia vuri emrin e sofistikuar “gardërobë kapsulë”, si doli dhe pse. Kuptimi është shumë i thjeshtë, gardëroba kapsulë përmblidhet në një valixhe udhëtimi, ose në një dollap francez. Dollapi francez nuk është asgjë tjetër veçse dollapi shqiptar, i ndarë në gjysmë (ose çerek). Amerikanët kanë dhomë dollap, shumë larg konceptit kapsulë. Nëse do t’jua shpjegoja më praktikisht: mbyllni sytë për një çast dhe imagjinoni sikur do bëni një udhëtim 6 mujor diku. Bëni gati valixhen tani dhe të gjitha ato veshje e aksesorë, që do merrni me vete, i përkasin gardërobës tuaj kapsulë.

Gardëroba kapsulë është e ndryshme për secilën prej nesh, sepse të gjitha kemi tipare të ndryshme, forma të ndryshme dhe stil unik (shpresoj ë?). Imagjinoni nëse të gjitha do vishnim të njëjtat gjëra, s’do kishte kuptim. Por ka dhe gjëra të përbashkëta. Përshembull: për secilën prej nesh, gardëroba bazike ka një pallto në të. Për mua mund të jetë një bezhë me lule, për mikeshën time është e kuqe dhe për mamin tim e zezë. Ndodh dhe që të kemi një bezhë, por njërës i shkon me rrip (sepse ka formë orë rëre), dikujt i shkon oversize dhe një tjetre i shkon pa jakë.

Tani dua t’ju bëj një përmbledhje të gardërobës bazike dhe ju shtoni elementët tuaj aty.

1- Kostum gri

Nuk besoj, që ka njeri pa një kostum në dollap. Po ta zgjedhësh të zi, bëhet shumë i mërzitshëm, mbledh çdo lloj pushi e floku vërdallë, si dhe nëse nuk është cilësor, ngjan i lirë. Në këtë artikull kam përfshirë dy kostume gri, por që nuk ngjajnë aspak. Edhe ju zgjidhni tuajin.


2- Shall