Këshilla praktike nga stilistja e javëve të modës, që vishet me xhinse


Rachael Wang është, si të thuash, muzë e pa diskutueshme, dhe këtë nuk e them vetëm unë. Është e thjeshtë, modeste, flet me kopetencë, por nuk ndërhyn nëse nuk e pyesin. Ka një stil krejt personal, por nuk e kam fjalën që bën veshje të çuditshme me pupla, alla stilistësh.

Gjatë adoleshencës thotë se i ka shpenzuar të gjitha paratë e fituara nga babysitting, për rroba të blera tek “flea market” (treg i veshjeve dhe orendive të përdorura) dhe penj antik.

Sot është një nga stilistet më në zë, që nuk mungon në sfilatat më të rëndësishme. Është intervistuar shpesh nga revistat e modës për shijet e saj modeste, me një detaj statement.

Shumicën e kohës nëpër javët e modës, vishet me xhinse dhe këmisha. Ndaj, në pamundësi për ta intervistuar live, mund të nxjerrim disa mësime praktike nga fotot e bëra në rrugët më të famshme.

  • E gjelbra është motra e blu xhinsit

Sidomos kur kombinohet me këmishë të bardhë, krijon kontrast të këndshëm.

  • Sado të mërzitshme të jenë xhinset, kombinoje me këmishë asimetrike.

  • Me xhinse harmonizohen këpucët ‘statement’


  • Xhinset cowboy kombinoji me këmisha të gjata dhe gjysëm çizme.


  • Loja e shtresëzimit bëhet më e bukur kur e kombinon me xhinse.

  • Fustani xhins është po aq i bukur dhe casual sa xhinset.

243 views0 comments