• Stela

Ja se çfarë vura re tek veshjet e konkurentëve në Big Brother Vip këtë javë. Kam edhe disa sugjerime

Unë t’ju them të drejtën, nuk e kam ndjekur Big Brother VIP rregullisht çdo ditë. Nuk kam dyshim që idea dhe realizimi do jenë kuruar nga profesionistë. Ama veshjet e pjesmarrësve nuk mund t’i lë pa kaluar në lupë.



Aty shoh një fustan, veshur nga një prej konkurenteve, që më duket i njohur. Ia kemi parë Jennifer Lopez në një nga parakalimet në tapetin e kuq. Fustani i bardhë në materialin e plotë, i cili dekorohet në pjesën e jakës “V” me një varg me gurë. Në rastin e J.Lo gurët janë të diferencuar pak nga pjesa e zhaponesë. Prerja vertikale përfundon me tre vargje palash verefi, si dhe në drejtim të pencave ka një të çarë deri në kofshë.





Diku tjetër shoh një pjesmarrëse, që është veshur duke u frymëzuar nga filmat francez të viteve ’80. Veshja i shkon, nuk mund të them të njëjtën gjë për flokët me onde fundore.


Dikush vë rreth me gurë, me flokë të ndara në mes. Grimi “goth” ka dalë nga moda që prej viteve 2000 e ca (dhe mirë bëri). Sezoni i ri na prezantoi me vajza të grimuara lehtë, ku nuk duken as pudra dhe as qerpikët falso. Vetullat janë konturuar bukur me xhel nga Glossier “Boy Brow”. Çdo gjë minimaliste.


Dikush vesh një fustan të zi të shkurtër të shkurtër. Me golf e mëngë të gjata.




Djemtë i kanë rënë për shkurt. Një këmishë e bardhë e çkopsitur dhe jo aq e hekurosur, dikush me xhins e dikush si t’i vijë për mbarë. Thuajse shumica kanë veshur pantallona të zeza, ashtu si zgjedhje e momentit të fundit.


Do doja që konkurentët e Big Brother Vip, të vishnin veshje po aq Vip sa janë dhe vetë. Do doja t’i shihja me kostume të kopsitura bukur, me jaka të bardha qëndisur me dorë, me funde lëkurë dhe golfe Helmut Lang. Këmisha Balenciaga, ose edhe nga Zara, por në ngjyra vibrante. Mund të vishnin edhe xhinse me triko magenta, si koleksionet e Versace.


Të vishnin çdo gjë, përveçse fustane “huazuar” nga dikush tjetër, me të tjera tipare e forma trupi. Të visheshin thjesht, por me një ”pop of color”. Mbase edhe me një fustan “glamour“, por ta kombinonin me atlete, ose këpucë platformë. Të visheshin edhe për audiencën, për ata të rinj dhe adoleshentë që i ndjekin. Të visheshin tamam si personazhe Vip, me vizjon Vip nga shtëpia Vip.



762 views0 comments