9 sugjerime veshjesh për Arbana Osmanin


Arbana ka tipare në nuancat e së kaftës për në grurë. Saktësht tonalitetet e flokëve janë: Pantone #50413a me fije diku tek #a1887C. Nuk e di nëse mban lente, por sytë i duken në nuancat e errët të çokollatës, me numër #211a17. Lëkurën duhet ta ketë me nëntone neutrale (që anon nga të ngrohtat). Në disa raste nuanca e lëkurës së dorës, ndryshon nga fytyra (megjithse mund të jetë efekt i fotots). Po i futem kaq në detaj nuancave sepse jo të gjitha të kaftat janë njësoj dhe për t’i sugjeriuar dikujt një veshje, duhet të njihesh me detajet.


Sëfundmi e kam parë Arbanën kaq shpesh në ekran dhe e kuptoj impenjimin për të gjetur çdo herë veshje të ndryshme. Sot dua t’i sugjeroj 9 veshje, për përditshmëri ose për evente, të cilat mendoj se do t’i rrinë mirë. Si dorashkë e qepur fiks, thonë amerikanët.


Sugjerimi i parë është për brunch, paradite me mikeshat ose dhe darkë e herët rreth orës 6. Është komplet i trikotuar, bazë e zezë, me detaje ngjyrash në pjesën fundore.

Sërish për fundjavë ose për punë, ja ku janë xhinset më të preferuarat e sezonit. Kanë një prerje banane, me shtrat të lartë. Harmonizohen mirë me xhaketat blu ose të kuqe. Për “pop of color” do e rekomandoja t’i vishte me golf magenta.