• Stela

Çfarë bleva dje tek Zara, pas tre vitesh mungesë

Updated: Oct 25, 2021


Krahasuar me dyqanet fast fashion, Zara ka butikët më të bukur në pamje dhe stilim. E di që në kohë uljesh veshjet hidhen sa andej këndej dhe e humbet lezetin. Por në ditët e zakonshme është qejf të shkosh, sikur edhe thjesht për t’i hedhur një sy.


Kisha diku tek tre vite që nuk blej gjë tek Zara. Pak nga zhgënjimet në blerjet e mëparshme, pak pandemia nuk na motivoi të bënim shopping, e pak ngaqë i kam dizenjuar vetë veshjet që më duheshin.




Dje mendova të shoh koleksionin e ri, disi doja t’i paraprija blerjeve në kohë festash. Më pëlqyen printet e kutisë së shahut, sidomos po t’i veshësh bashkë disa madhësi të ndryshme. Materialet, që imitonin mëndafshin, nuk ishin në lartësinë e duhur. Me të njëjtin çmim mund të blesh mëndafsh 100% tek Lily Silk (e shumë butikë të tjerë). Kishte disa element të koleksionit që më pëlqyen, sidomos ato premium.